Icelandair Hótel Reykjavík Marina opnar 19. apríl 2012

Þetta glæsilega hótel er á fjórum hæðum og mun hýsa 108 glæsileg hótelherbergi við höfnina í Reykjavík. Við kynnum skemmtilega nýjung, Slipp Teríuna en þar er opið allann sólarhringinn og boðið er upp á ferskar og fljótlegar veitingar sem þú getur gripið með þér en endilega fáðu þér sæti og njóttu ef þú átt stund aflögu. Á Kaffi Slipp er framreiddur girnilegur morgunmatur sem veitir þér orku að minnsta kosti til hádegis ef ekki lengur - um hádegisbil og frameftir kvöldi verður boðið uppá óhefðbundna fundaraðstöðu á þessum stað. Á Slipp bar er notalegt að setjast niður einn eða í góðum félagsskap með kollu og njóta fjölbreyttra viðburða sem haldnir eru reglulega í tengslum við það sem er að gerast í Reykjavík hverju sinni. Komdu til okkar í Slipp bíó þar sem við sýnum úrval kvikmynda og bjóðum uppá nýstárlega fyrirlestraraðstöðu. Þú mátt búast við fjörugu en notalegu andrúmslofti með alþjóðlegu ívafi.   

Erlendir ferðamenn geta hitt og samglaðst með heimamönnum á skemmtilegum stað, þar sem fjölbreytileiki og nýjungar í þjónustu og afþreyingu verða allsráðandi. Áhersla verður lögð á lifandi og skapandi umhverfi, sem veitir ferðamönnum innsýn í mannlíf Reykjavíkur og það helsta sem þar er á döfinni hverju sinni.