Sveinn Hreiðar Jensson tók við hótelstjórastarfi á Klaustri á haustdögum 2011. Hann hefur áralanga reynslu úr hótel og veitingabransanum eða allt frá árinu 1998 og hefur þá bæði unnið sem yfirþjónn og veitingastjóri í Reykjavík og á landsbyggðinni. Fyrir nokkrum misserum lá leið hans í hótelstjóraskólann í Sviss þar sem hann útskrifaðist árið 2011.

Hestamennskan er hótelstjóranum kær og er það ekki bara út af tengingu við náttúruna og ferðalögum sem henni fylgir heldur er þetta kjörinn vettvangur til þess að slaka á eftir annasaman dag. Göngur og réttir eru einnig ómissandi hefð á haustin og væri það alveg mögulegt að koma því við að Sveinn bjóði gestum hótelsins að kynna sér þennan árlega viðburð í sinni heimasveit.  

Sveinn ólst upp á bóndabænum Hátúnum í Skaftárhreppi rétt utan við Klaustur og í uppeldinu fékk hann að heyra fjöldan allan af sögum um drauga og álfa og minnist þess að það sé hægt að finna sögu á bak við hverja þúfu á svæðinu. Að hans mati eru Lakagígar og ströndin á Klaustri best geymdu leyndarmálin á svæðinu. Fjallabaksleið syðri er einn af uppáhaldsstöðum Sveins á Íslandi enda er náttúran stórbrotin.

Með nýjum hótelstjóra koma nýjar áherslur í rekstrinum t.d verður lögð meiri áhersla á grænar lausnir ásamt því að nýting á afurðum úr heimabyggð mun verða í hávegum höfð á  matseðlinum á veitingastaðnum en nú þegar má finna m.a finna hina landsfrægu klausturbleikju og rófur.